是晚搭夜機，放工直接到機場。在青衣站準備轉機場快線時，巧遇是次旅行的好同伴。叫做還未衰得晒，佢可以幫我做埋機場快線優惠，平一半，嘻。
到達機場 T2 約七點三，先check-in ，再去 Burger King 食個 quick dinner 然後就過 custom了。
香港今天打風，下午四時許已轉了三號風球，且說今晚有機會轉八號，真的有點擔心會影響我地既航機哦。
原定航班 20:50 起飛，20:10 要到 Gate，我地準時到達。
可是，等了又等，Gate 一直都延遲 open，到最後，共 delay 了 50 分鐘才起飛呢，不算太差，至少仍可是晚離開！
經過三小時既飛行時間，順利在當地時間 23:50 飛抵最谷。
到步後，首要任務是兌泰銖。
預左機場兌一定唔抵，唯身上沒有任何泰銖，點都要兌少少來撘的士及食消夜。最後共兌了 HKD 600，rate: 3.86，好唔抵。
次要任務，搵的士。
在 2/f Arrival Hall 同 4/f Departure Hall 都有的士撘，分別在 2/f 有 Counter 幫你手 arrange，要多付 50 THB，而 4/f 要自己偷雞地去臷的士，有機會俾 staff 趕或俾司機點。由於已是凌晨時份加上人生路不熟，所以寧願穩陣 d 去 2/f 。
出了閘不遠，見到有個細細既 Taxi Counter，問一問，開價 1000 THB，點解唔係 on meter 計既? 做過功課 on meter 計返酒店應該只是 3-400 THB 吧。原來那是機場的士 (或是那些較靚既舫車? 攪不清) 個職員後來告之我地要撘那種 Taxi 其實是在下一層。
順著人流走向下一層，好快見到我地要搵既的士站。
侯車人不少，但的士多，等候了約十五分鐘便有車。
在站頭，有位職員會先問你目的地，然後將之翻譯為泰文告訴司機。同時也給了一張寫有時間、的士車牌號碼等資料既意見紙予乘客，遇上有什麼不妥，日後可作投訴。
車程大約四十分鐘，到達酒店已是一點十五分了。車費不貴，加上 25 + 50 既過橋費，與及 50 既 service charge，一共只是 340 THB。
由於航班既延誤，到達時間俾預計的遲了一小時，本來打算放底行李後即去 China Town 食燕窩及T & K既海鮮，但現在來不及了 (T & K 收 02:00 哦!)。: (
遠既去唔到，唯有在附近逛逛找點東西吃吧。
出了酒店門口過埋橋，行左唔夠五分鐘，見到一間好熟悉既檔口。是出名既水門海南雞檔口哦！職員著晒搶眼既粉紅色T-shirt，好易認。今次真係錯有錯著。
叫了一碟大既海南雞飯 (只是 40 THB，抵！) 一起吃，份量俾想像中少，但作為消夜就已足夠了。味道方面，雞肉好嫩口又滑，加了汁既飯也很惹味，值得一試。
|
|
