今天主要既行程,是 大城 + spa!:D
八時五十分便出門口,要趕10:05 班火車去大城啊!不過離開酒店前,去問問 Reception 房間 TV 既Channel 有冇得睇今晚的 Euro Cup 2012 Final;意外驚喜,係有喎,本來打定輸數要出去Bar 迫,現在可以舒舒服服在酒店房睇了!真高興! ^0^
去曼谷呢個中央火車站 (Hua Lamphong Railway Station) 還算方便,BTS 再轉 MRT便可到達。
轉轉折折來到火車站,已9:45有多,立即去排隊買ticket。晴天霹靂,有冷氣既車卡已爆滿,得返冇冷氣既企位 (Fan Standing)!真係好擔心呀,唔係太怕冇位坐,係怕冇冷氣既位會好焗好臭。>.< 不過價錢超平,每位 20 THB,同一程近既BTS 價錢一樣,但係呢程火車坐個半鐘喎。
|
Train Ticket to Ayutthaya |
買完火車車票,飛奔去買 Burger King 上火車食做早餐,然後再飛奔去十號月台,呢個時候已差不多十點正。
曼谷火車站激似印度既火車站,無論大堂、月台及火車,有點親切感,哈哈。
|
曼谷中央火車站 (Hua Lamphong Railway Station) |
火車還未到,月台擠滿人,有不少相信也是遊客 (白皮膚人 :P),目的地應該和我們一樣吧。
最後,班車延誤了三十分鐘有多才到。上到車,就求其搵位坐,但好快就俾持票人趕走,要另覓位置。一路都唔敢瞓覺,怕又要走鬼。@.@
雖然呢個車卡冇冷氣,但係開晒d 窗,好通爽,又有風扇;尤其行車時,超大風,真係 O 喎。
當車程行到差不多一半時,有個當地男人上車坐在對面。他外型黑黑實實,有點像老粗,而且,佢手持一大鐵槌 (@,@ !!!),另一手拖住個紅白藍! 我同同伴對望,有點驚.. 唔知個袋入面是什麼呢?! 佢..有點似變態殺手/屠夫哦! 哈哈!XD
過了一會,呢個男人主動用英文聊我地傾計,問我地去邊、邊度黎等等;估唔到佢既英文都OK喎 (之前在Bangkok 市中心也不是人人識講英文呢!),佢態度好nice又面帶笑容,加上佢又主動話到達 Ayutthaya 時會提我地落車,即刻由負分變返正數哦!嘻!
又過左一陣,有人上車,是我的坐位哦。呢個時候,「屠夫」真係超級好人,起身讓了座位給我坐,自己就走去上落車既樓梯位坐!真係人不可以貌相啊,頓時由「屠夫」變成我地心目中既天使呢!:D
大約十二時零五到達大城,謝過那位天使先生便下車了。
以為呢個火車站會有 Tourist Information,但原來沒有,只有一般 Information,求其攞了份 map 就離開了。
一出火車站,就有個篤篤司機過黎兜生意,開價200 THB一小時。貴了一點,冇理佢行走了。
點解冇其他篤篤架? >.< 太好生意走開晒?? 真係冇諗過會咁少選擇哦。
一邊慢行諗緊仲可以行去邊,唔知點算,又唔想返轉頭認衰,好在,那位司機追上了。:D 最後,還價 500 THB 三個鐘,本來心水是 400 THB,算吧,只貴了 100 THB,多了唔夠HKD 25。
由於已做了功課,唔怕任用司機決定地點miss左自己既心水,未上車就同司機講好去邊幾個地方。
大城,距離曼谷北方約 100 公里處,自西元 1350 年至西元 1767 年,曾為泰國第二個首都,有四百多年的輝煌歷史,佛教精髓在此達到顛峰,並深植於泰國文化中。
西元 1767 年時,遭受緬甸軍隊的徹底破壞,就連寺廟大佛也難倖免,之後終於滅亡。
大城後於 1991年12月13日被聯合國教科文組織( Unesco )評定為世界級保護古蹟之一。
Wat Yai Chaiyamongkon 崖差蒙空寺
大城的崖差蒙空寺,建於西元 1357 年,是大城王朝的創世主所建設,建築精緻,寺廟宏偉,可以說是大城府最古老的建築。此寺以臥佛和寶塔最為著名,塔旁有大群的佛像,若是仔細的觀察,便可以發現佛首和身軀竟然不是同一個時代所雕塑的,原因是當初修築驛道,為了貪圖方便,不擇手段的砍下佛身,藉以施工填路,實屬一奇。
|
Wat Yai Chaiyamongkon |
|
|
Wat Yai Chaiyamongkon |
|
Wat Maha That 瑪哈泰寺
這個可能是大城最具有歷史年代的寺廟,大約建於包若瑪拉嘉一世(Borom Rachathirat I 1370-88)的時期,它的主塔曾經高達 165 呎,不過現在卻只剩下基座底部,至於圍繞在旁邊的佛塔上,依稀可以看到當時是以灰泥所裝飾的痕跡。
而最著名的,是那「樹中佛」,據說是緬甸軍隊攻入大城既傑作,當時被砍下的佛首,後來跟樹結合了,形成此模樣。
|
Wat Maha That - 樹中佛 |
| |
|
Wat Maha That - 斜塔 |
|
Wat Maha That |
|
Wat Ratchaburana 拉嘉布拉那寺
這是一座位於拉瑪公園東北角的寶塔,建立於西元 1424 年,是大城王朝的七世王所建,流傳至今,擁有相當高的歷史價值,在西元 1957 年時,因為在寶塔的地下室發現了大批黃金珠寶和珍貴的文物,而使此寶塔聲名大噪。
拉嘉布拉那寺(Wat RatchaBurana)的時空背景是一段兄弟相殘的故事,因他拉恰提洛王(King Intharachathirat)的兩個兒子Ay、Yi,分別統治著Suphanburi、 Sanburi,卻在父親死後爭著繼承王位,一言不和互相征戰,可是自相殘殺的結果是兩個兄弟都死了。因此最小的兒子如關菩雅(Chao Sam Phraya),從彭世洛南下接掌王位,即位為世若瑪拉嘉二世(King Borommatrailokanat II),於西元1424年建造了這個寺廟,將父親及兩位哥哥在此舉行火葬,再建兩座塔埋藏哥哥的骨灰。
西元1957年9月,偷盜者挖開了主塔,偷走許多貴重的寶物,後來,泰國文化藝術廳與聯合國教科文組織開始積極地修複古跡,在主塔中又陸續挖出了許多金制的佛像及手工藝品,並且挖了一條階梯,讓遊客可以走下樓梯欣賞塔中的壁畫。
一進入主塔會先看到在此出土的寶物的圖片,之後沿著陡峭狹窄的樓梯下去, 可以進入主塔的核心,一個小小的四方台子,三面有凹槽,凹槽的牆壁及頂都繪滿了色彩豐富, 圖案細致的圖畫,是目前泰國發現最古老的畫。
睇完壁畫出返黎,就好似焗桑拿咁,成身濕透,密封通道太焗了。>.<
|
Wat Ratchaburana |
|
Wat Ratchaburana
主佛塔為高棉式外型看似粟米 / 筆頭。 |
|
|
Wat Ratchaburana
塔中的壁畫 |
|
Wat Phra Sri Sanphet 帕席桑碧寺
位於皇宮草坪正南,是早先王宮的建地,雖然大殿殘破但牆柱猶存,巨大磚柱有埃及.希臘列柱神殿的氣氛,原供奉貼金大佛sri sunphet,但佛像以毀於緬甸入侵。
帕席桑碧寺佛寺的三座佛塔是鐘型或搖鈴型的錫蘭式(Chedi),保留有三位國王的骨灰,外觀灰泥保存完整,地位就像曼谷的玉佛寺般一樣崇高,被聯合國教科文組織譽為「吳哥窟第二」。
據說當時這些佛寺、骨塔外牆都烙有燦亮的金箔,曾金碧輝煌了數百年。
|
Wat Phra Sri Sanphet |
|
|
Wat Phra Sri Sanphet |
|
Wat Phra Sri Sanphet |
|
Wiharn Phra Mongkon Bophit 帕蒙空博碧寺
在帕席桑碧寺的西南側,這座建築裡供奉著一座 15 世紀,原本乃是立於戶外青銅製的巨大坐佛像,話說此佛像經過數次的修復後,發現在巨佛身體內,竟有好幾百尊的小佛,受到前往拜訪大城佛教徒們的尊崇與景仰。
|
Wiharn Phra Mongkon Bophit |
|
|
Wiharn Phra Mongkon Bophit
青銅製的巨大坐佛像 |
|
Wat Phra Ram 帕蘭寺
建於西元1369年,是烏同王(King U-thong)的火葬處,為其子建於西元 1369 年,毀於 15 世紀。
帕蘭寺的建築主體是一座位於階狀平臺上的高棉式佛塔,至於塔上仍然保存著遊腳的佛像和立佛的灰泥裝飾,均已殘破不堪僅僅依稀可辨。寺內還座落其他的佛塔,結合了高棉塔、錫蘭塔、室利佛逝塔等的特點。
|
Wat Phra Ram - 湖中倒影,好靚。^^ |
|
附近有得騎大象 |
|
|
附近小涼亭,加埋紅葉有點日本feel。 |
|
Wat Chaiwattanaram 柴瓦塔娜蘭寺
規模比較大的一間寺,但唔知點解,欄住晒暫不開放。
柴瓦塔那蘭寺又稱貴妃寺,是位於泰國中部艾尤塔雅歷史公園的一座佛教寺廟。寺廟坐落在昭拍耶河西畔,艾尤塔雅島外。它是公園所在的大城府最雄偉美麗的寺廟之一,也是一個旅遊勝地。
1630年,大城王國的巴薩通王(Prasat Thong)為了紀念他居住在該地區的母親而下令開始建造寺廟。設計風格為高棉風格,為當時流行的建築風格。塔群的中央是一座高棉式的大塔,四周有4個小塔,再外圍則有8個更小的塔及門。13座高塔的周圍圍繞著120尊坐佛,8個小塔中另端坐著12尊大佛。
|
Wat Chaiwattanaram |
完成晒成個大城行程就折返,抵達火車站已三點三十五分,過了 15:30 班車,要搭四點那班了。 同伴好開心咁話可以有時間食少少野先呢 (仲未食 lunch哦! >.<)。
但唔知叫好彩定唔好彩,原來火車又delay了,火車還未到,Ticketing Officer 話仲有十分鐘先到。 :D
今次仲有2nd Class (with ac) 位,兩人共 490THB。正想買之際,同伴話唔抵坐返3rd class 喎!哈哈!平時都唔覺佢咁慳。XD 我沒有所謂,最擔心只是怕太多人冇位坐 (冇得 zip位)。
幸運地,呢程車既乘客相對少,仲有好多位置選擇,可以坐得舒舒服服了。^.^
返抵曼谷火車站約五點四,餓著肚子趕快去健興酒家食好野填下肚。 :D
健興酒家在 MRT Si Lom 站,途經 Phatphong 夜市,步行約十五分鐘。
原先安排食飽飽再做完 SPA 才行夜市,估唔到 d 攤檔已經開得七七八八,可以先睹為快。
經過7-11,又再搵下即食燕窩,又係搵唔到心水果隻,一問之下,原來冇得賣了,staff 介紹了另一隻,也是幾十蚊泰銖,一試無妨。
|
抵食既即食燕窩,養顏佳品!:P
(at least 心理上! kaka!) |
到達健興已接近六時,呢個酒家好大,有好幾層,我地被安排去 2/F坐。呢層環境唔錯,八成也是日本人。@.@
同伴餓壞了,坐低後第一時間點食物。幸好上菜速度也快,轉個頭就已送上,抵讚!
|
咖哩炒蟹
超級好味,推介! |
|
|
蒜頭炒含羞菜
未食過含羞菜,食落有點似空心菜,幾特別又好食。 |
|
|
炭爐冬陰公
我一向不太愛冬陰公,但同伴話好好味。 |
|
|
粉絲炆蝦
蝦一般,冬陰公內既蝦仲好食,但係粉絲就好好味。 |
|
可能中午太熱曬到個人太倦了,我沒有什麼胃口,反之同伴好肚餓,未見過佢食得咁快,好可愛!XP
食飽飽坐了一會還未到七點半,慢步走回頭路,一邊行下 Phatphong 夜市,一邊行去 Center Point 做 SPA,book了八點哦,做 SPA 不能太飽呢。
晚了,夜市攤檔又多了,這次也有小收穫,買了 casual 既 shorts 用黎跳舞 / 做運動呢。^_^
八點鐘準時到達 Center Point,雖然事前已make左 reservation 揀定了 package,staff例牌會再推銷更貴一點既服務。堅持原狀唔改,staff 表面看來也沒有黑面,還keep到笑容,感覺okay。:p
送上花茶及換上拖鞋後,staff 攞了一set 既 massage oil 俾我地慢慢選擇。
在我地選擇既時候,分別有一對香港人及兩位外國人 walk-in,可惜已full,無功而還。慶幸自己一早book了不致掃興呢。^_^
最後我揀了 Balancing,同伴揀了 Naomi,呢兩款都比較清香又不會俗氣。
成個 SPA 療程約是 Jacuzzi - 30mins,scrub - 1 hour,massage - 1 hour。整個過程也十分享受,太正太舒服了,亦覺得自己成個人乾淨晒!XD
|
Jacuzzi Room |
|
|
Massage Room |
|
|
離開 SPA Center 已十一時許,再多去附近既一個地方,才撘的士打道回酒店。
呢度有段小插曲,在偏黑既街道上行時,突然有把聲在身邊嗌出黎嚇我地,原來係個傻佬。>.< 好在沒有什麼其他下文,我地急急腳行快步就沒事了。但果一下,大家都俾佢嚇到三魂唔見七魄,都幾危險哦。
十二時許回到酒店,未夠鐘睇波,拿拿林執定野準備聽日 check-out了。:(
執好晒野,開定薯片、花生、汽水等開波!
西班牙 vs 意大利,最後西班牙大數意大利 4:0 ,真係冇人會估到!加上 Torres 又有入波,勁興奮哦!反之同伴睇到好無癮,未完晒場就唔睇了!哈哈!